Vedtekter

Vedtekter for Veteranbussklubb BNR.

§1. FØREMåL

VETERANBUSSKLUBB BNR har som føremål å ivareta bilar og materiell som har historisk verdi,
og ta vare på historisk materiale i skrift og bilete.
Klubben skal arbeida for å skapa engasjement for dette arbeidet blant noverande og tidlegare

tilsette med tilknyting til rutetrafikk i Nordhordland og Osterøy.

Klubben kan overta og eiga kvilande firma som har samferdsle-historisk verdi i Nordhordland

Klubben har ikkje lønna erverv.

§2. MEDLEMSKAP

Som medlem i veteranbussklubben kan vera:
A: Noverande og tidlegare tilsette med tilknyting til rutetrafikk i Nordhordland og Osterøy
B: Andre etter godkjenning frå styret.

§3 ÅRSMØTET

Årsmøtet skal haldast i februar månad kvart år, og det vert kalla inn med to vekers varsel.

Styret kan gjera framlegg til val av valnemnd
Saker til årsmøtet skal meldast til styret innan ei veke før.
Alle medlemmar har rett til å møta på Årsmøtet.
Ekstraordinert Årsmøøte kan haldast når styret, eller 1/3 del av medlemane krev det.

§4. ÅRSMØTET SI SAKLISTE

1. Årsmelding.
2. Rekneskap.
3. Fastsetjing av kontigent - for neste år
4. Innkomne saker.
5. Valg av 5 styremedlemmar og 2 varamedlemmar for to år.
    (etter første året går halvparten av styremedlemmane ut etter loddtrekning).
6. Valg av eitt medlem til valnemnd, for 3 år. Valnemnda har tre medlem, der eitt er på val kvart år.
7. Valg av revisor for 1 år.
8. Andre saker som styret har sett opp på saklista.

§5. STYRET

Styret skal ha 5 medlemmar og 2 varamedlemmar:
Desse skal veljast av og mellom medlemane i  Veteranbussklubb BNR
Styret konstituerar seg sjølv, med leiar, nestleiar, skrivar og kasserar.
Styret har økonomisk ansvar for klubben sine inntekter og utgifter, og har plikt til å forvalta

midlane på ein god måte.

Styret er Generalforsamling i, og skal utnemne styremedlemar til firma som klubben eig

som vist i §1 siste ledd.

§6. ENDRING AV VEDTEKTER

Endring av vedtektene kan berre gjerast på ordinert årsmøte med 2/3 fleirtal.

§7. OPPLØYSING

Oppløysing av Veteranbussklubb BNR kan berre gjerast av Årsmøtet, eller ekstraordinert Årsmøte.
Vedtak om oppløysing krev 2/3 fleirtal.
Fordeling av aktiva i klubben går til museale / humanitære formål

Knarvik den 24 februar 2025